Engkim chunga thu neitu leh siamtu chuan Bible a kan hmuh ang in, tui leh khawmual, chhun leh zan, Ni leh thla leh arsi te an awm dan tur ang theuh in a then hrangin a awm tir a ni. Tin, chutiang ang zelin, khawmual hrang hrang te, ram hrang hrang te, ram pakhat chhungah pawh chuan state te, district te in kan in then hrang leh zel a. Hnam hrang, tawng hrang te in kan lo awm zel bawk a, tih dan in ang te chu a huho in kan awm ta zel a ni.
Keini MIZO te pawh hi Hnam angin Pathian in leilungah min lo dah chhuak ve a, a lawmawm tak zet a ni. Khawvel hmun zau zawk kan thlir erawh chuan Pathian in keini ho min duan dan hi a lungawi tlak lo emaw chu aw a tihtheih hial awm e. Mahse, Pathian ropui zia leh thiltìhtheih zia tih lanna kan ni tlatna hi a ropui ka titawp thei lo a ni.
Hei Leilunga min dahna hmun, lei thatna leh tui thatna hmun chu ni lo mahse, lei thatna hmuna tla te dinhmun nen angkhat deuhin min awm tir tlat a ni. Intohdelh lo tur hi kan intohdelh em em a nih hi!!
Lei lam chhiar kawpa chhawh chhuah chi a ni lo. Hei aia ram nuam leh tha chu kan pi leh pu te khan an duh ve em em a, an tan a rem chang tawh lo mai pawh a ni. Mahse, Pathian khawngaihna a zarah chuan tudang reng hi kan ngai bik lo e. Duh ang erawh chuan khawngaihna hi kan nunpui lo a ni.
Tun dinhmuna kan ram kan awm theihna chhan chu politic vang emaw, kan ram economic vang emaw a ni lova, Pathian khawngaihna Chanchin Tha avang liau liau a ni. Khawngaihna Formula atang lo chuan kan nihna leh dinhmun hi chhut chhuah thiam rual a ni lo.
Tuesday, 9 February 2016
KHAWNGAIHNA ATANG CHAUHIN
Subscribe to:
Post Comments (Atom)
No comments:
Post a Comment