BMP HOME VISIT VAWI (4) NA

Ahmun: Pu T.Rosiama
Ahun    : 7:00pm

Chairman : Pu Lalnunmawia

Member kal zat:11

Mite Damna neitu chu

Sadukai leh pharisai te kha rin dan in ang lo tak an ni awm e. Sadukai ten mitthi thohlehna an ring lo a., phairisai te chuan an ring. Mahse Lal Isua do tur chuan an inthurual thei tlat kha thil mak ve tak a ni.

Lal Isua hmaah lo chuan chhim leh hmar ang mai an ni awm e.

Kan Lalpa khan a hnial dang ve ve a, mahse pawl 2 te chu pawlkhatah an awm thei chuang lo. Chubakah Kan Lalpa lamah an trang chuang lo. An la do reng zawk a ni.

Mahse kros lera an tan a tuara ka pa anni hi ngaidam rawh an thil tih hi an hre lo a ni tia thisen leh auaw nena tlanna hna a thawh khan pawl2 chu pumkhatah a siam ta zawk a ni e.

Aw!!! ka unau duh tak te u...Nangmah dotu leh hmusittu i la tawng ve ngei dawn a..chutih hunah chuan kan Lalpa kawng zawh dan hi  hre reng ang che.

"Amah hmusittu leh tham lotute damna kengtu a ni" tih hi.

Chuvangin, nang leh kei pawh kan nun kawngah hian kan la tawng zel dawn a, mi piangthar dik tak i nih chuan nangmah huatu, sawichhiatu, hmusittu, adt.. te damna kengtu i nih kha hrereng ang che.. chutah chuan chawlhhahdamna i hmu ang.

Mi ramah zawng lunglen a na e!!!

Mahni ramah pawh mahni ram lo anga awm hian lunglen a na thei tho mai.

He leilung bak hi Pathian hian kan lei taksa chen nan a siam rih hmel si lo.

Zofa te hi Hnam anga din chhuah ni mah ila, ram pakhat anga awm turin min la din chhuak bawk si lo.

Chuvangin ka jerusalem ve mizoramah pawh ka tan chuan mi ram ang a lo ni a.lunglen a na mai a ni.

Burmaah Chin ka nihna chuan lungmuang  ten ka awm theih laiin Indiaah Mizo ka nihna hian hawpkawp min la pe thei si lo. Engtikah nge ni ang Ram khat anga kan awm theih ang tiin han ngaihtuah mah ila duhthusam bak beisei tur awm hian a lang si lo.

Chuvangin ka tan chuan Mahni ramah pawh lung a leng zel mai dawn ni ber in a lang.

Zofate ram hrang hrangah( India, Burma, adt..) awm mah ila, hnam anga min din chhuaktu Kan PATHIAN hian kan rilru zawng2 a in hmangaih tawn thei tura min buatsaih hi ka beiseina lian ber a ni e.

Nakin a kan kumhlunna ram tur kan thlen hunah chuan "mi ramah zawng lunglen a na e" tih hi ka sak ka bang tawh ang.

BMP Sunday Tlai Fellowship

Ahmun: Pu PC.Zorammawia

Chairman: Pu Lalngaihawma

BMP HOME VISIT VAWI ( 3) NA

A hmun: Pu Lalhmunsiama

Chairman: Pu Kapkunga

LALPA LAKA KAN ROCHAN FANAUTE HI

RALDO HLAPUI

KHAWNGAIHNA ATANG CHAUHIN

Engkim chunga thu neitu leh siamtu chuan Bible a kan hmuh ang in, tui leh khawmual, chhun leh zan, Ni leh thla leh arsi te an awm dan tur ang theuh in a then hrangin a awm tir a ni. Tin, chutiang ang zelin, khawmual hrang hrang te, ram hrang hrang te, ram pakhat chhungah pawh chuan state te, district te in kan in then hrang leh zel a. Hnam hrang, tawng hrang te in kan lo awm zel bawk a, tih dan in ang te chu a huho in kan awm ta zel a ni.

Keini MIZO te pawh hi Hnam angin Pathian in leilungah min lo dah chhuak ve a, a lawmawm tak zet a ni. Khawvel hmun zau zawk kan thlir erawh chuan Pathian in keini ho min duan dan hi a lungawi tlak lo emaw chu aw a tihtheih hial awm e. Mahse, Pathian ropui zia leh thiltìhtheih zia tih lanna kan ni tlatna hi a ropui ka titawp thei lo a ni.
Hei Leilunga min dahna hmun, lei thatna leh tui thatna hmun chu ni lo mahse, lei thatna hmuna tla te dinhmun nen angkhat deuhin min awm tir tlat a ni. Intohdelh lo tur hi kan intohdelh em em a nih hi!!

Lei lam chhiar kawpa chhawh chhuah chi a ni lo. Hei aia ram nuam leh tha chu kan pi leh pu te khan an duh ve em em a, an tan a rem chang tawh lo mai pawh a ni. Mahse, Pathian khawngaihna a zarah chuan tudang reng hi kan ngai bik lo e. Duh ang erawh chuan khawngaihna hi kan nunpui lo a ni.

Tun dinhmuna kan ram kan awm theihna chhan chu politic vang emaw, kan ram economic vang emaw a ni lova, Pathian khawngaihna Chanchin Tha avang liau liau a ni. Khawngaihna Formula atang lo chuan kan nihna leh dinhmun hi chhut chhuah thiam rual a ni lo.

BMP HOME VISIT VAWI (2) NA

Ahmun: Pu KVl Hruaia te In

Chairman: Pu Lallawmkima

Missionary tirhchhuah inkhawm

Bawngkawn Presbyterian kohhranah missionary tirhchhuah inkhawmna neih a ni. mi 4000 chuang kan kal khawm a, kan nau Lallianenga Arunalchal east a kal tur thlahna ka neih pui ve thei a ka lawm em em a ni.

Thurin leh ka thlirna

Kohhran hrang hrang te hian thurin hi kan nei vek a, kan thurin te chu in ang lo tak tak te an ni hlawm a. Thurin hi Bible behchhan a siam a ni a, Bible erawh chu thurin behchhan a siam a ni ve lo. Pathian thawk khuma pek a ni.

Bible chu siam that a ngai tawh lova, thurin erawh chu siam that a ngaih chang a awm thin. kan thurin theuh hi Bible tluka kan pawm a nih chuan siam that theih tawh lo ang a ni.

Bible chuan min ti hrang lova, kan thurin hian min ti hrang zawk niin alang. Kohhran hrang hrang te hian kan thurin ai hian Bible hi kan dah chungnung/pawimawh zawk zel chuan kan inpumkhatna a tha zawk ang.

Thurin hrang theuh kan nei pawh hi a sual hran lova, mahse kan inan loh na lai sawi tam ai chuan kan inan na lai sawi hian nun ho a ti nuam zawk a ni. Thurin inan loh na lai theuh atanga mi thurin kan teh hian midang kan hmu kalsual vek thei bawk.

Thurin hi Bible nena kan kal pui thiam hi a pawimawh em em a ni. Thurin hi bible nena inzawm tlat ni mahse, Bible tluk ang hial a kan ngaih chuan midang thurin kha a dik lo kan tih na a ni dawn a, chutiang ang chiah in midang pawh in mi ngai dawn a ni.

Nehemia

He Bible chang ka chhiar apiang hian ka mittui a tla thin. Tluk chhiat hnu Mihring hi Pathian hmaah enge a nih tichiangtu a ni. Pathian khawngaihna mak zia leh Hmangaihna thuk zia hi a hriat theih a ni.

Israel mite chu hetiang hian an tawngtai a: "Aw LALPA, nang chauh hi LALPA chu i ni. Vante leh a chhunga awm zawng zawngte, lei leh tuifinriatte leh a chhunga awm zawng zawng te hi i siam vek a ni. An za-in i vawng tha thin a. Aw LALPA, nang Pathian chuan Abrama i ko va, kaldai ram Ur khua ata i hruai chhuak a, a hmingah Abrahama i sa ta a.
A zui tlat che avangin thuthlung i siamsak ta a, Kanan ram chu pek i tiam a, Hit mi leh Amor mite awmna ram Periz-ho te, Girgas-ho te awmna ram chu, a thlahte awm nan i pek kha. I rinawm a, i thutiam i hlen ta a. Min thlahtute Aigupta rama an retheihzia i hria a, tuipui senah an mangang au i ngaihthlak kha. An lal leh hotute chungah, an ram chungah nen thil mak tam tak i ti teuh va, i mite an tihduhdahzia i hria a ni, tun thlengin i hmingthan phah ta a ni.

I mite tan tuipui laiah kawng i siam a, leicharah i hruai kai kha. Umtute chu tui thukah an pil a, tuipui fawn vela lungtum pil ang vang vang an ni. Chhunah chhum dingin i hruai a, zanah mei engin. Van ata i lo chhuk a, Sinai tlangah khan, i mite chu i rawn bia a, awm dan tur thuruat tha te, Thupek leh Dan nghet te i pe. Sabat ni chu serh tha turin i ti a, i chhiahhlawh Mosia hmangin i dan chu i hrilh. An riltam khan van chaw i pe a, an tuihal khan lungpui ata in tur i pe. An hnena pek i tiam ram chu nei turin i pek kha.

Min thlahtute chu an inchhuang a, an luhlul hle, i thupekte chu an awih duh ta lo va. I thu an awih lo va, thil mak i tihsakte an hre duh lo, luhlul an chhuah a, an hel ta a. Aigupta bawiha hruai lut leh tur hotu an thlang. Lainatnaa khat thinnel i ni a, i ngaidam peih zel a, i thlahthlam lo.

Milem, bawngno lem an siam a, "hei hi Aigupta ram ata min hruaichhuaktu, thil mak tam min tihsaktu kha a ni" an ti. Aw LALPA an va tinawmnah che em! Ngil i neih em avangin thlalerah khan i thlahthlam lo. Chhun leh zana hruai thintu chhum ding leh mei chu i la bo lo. Dawhthei takin i zirtir hram hram a, Mana-in i chawm a, in tur i pe bawk a. Kum sawmli chhung thlalerah khan an mamawh zawng zawng i tum sak a, an silhfente lah a chul thei lo, an keruh pawh a na ngai lo.

BMP HOME VISIT Vawi (1) na

Pathian kaihhruaina hnuaiah BMB ITI UNIT te chuan home visit Pu Rothangliana te inah sharing leh tawngtai ho na kan hmang a, member 13 kan kal thei a, a nuam in a khamawm lo hle a ni.

Chairman: Pu PC.Lalthianghlima

Kelkang kan kal ve a

Keimahni

Chhungkua min dintu Lalpa chu ropui ber rawh se.