Lalpa țih avangin engmah thiamthu sawi lo

Evan lar tak leh minten an fak em em mai chu pulpit a sermon lai tak chuan nu pakha chu pulpit ah a va kal a. Naute thla 9 mi vel chu a pawm chungin  kha i fa hi ka enkawl peih tawh lo a, la tawh rawh tiin a pe ta mai a.  A thusawi ngaithlatu te chuan mak an ti em em mai a ni.

A then chuan hetiang hi a lo ni maw tiin mak an ti khawp mai. A then lah chuan a fa a ni lo ang.. Lalpa țih tak a ni a. Hetiang thil hi a tih kan ring lo an ti bawk a. Ngaihdan chi 2  chu a thusawi ngaithlatuteah chuan a awm ani.

Evan chuan engmah thu dik leh dik lo pawh sawi lovin ka lo la ang e a ti mai bawk si.

Inkhawm an ban chuan i fa a lo ni maw tia an zawhna pawh a chang chuang lo.

A fa a nih leh nih lo pawh hriat theih turin engmah a sawi duh si lo. Chu naupang chu a enkawl ta a.

Kum 3 a lo ral chuan chu khuaah chuan campingna nei turin hun rem chang Lalpan a siam sak a. An hlimtlang hle mai a. Mi tam takin piangthar changin an lawm em em a.. thlarau lam boruak pawh a tlatha hle a ni. Camping followup zan khatna ah chuan Pathian hmangaihna tih thupui hmangin a sermon a. A sermon lai tak chuan hmana naute rawn petu ngei chu insum zo lovin a rawn ding chhuak ta hlawl mai a.

Ka pu kum 3 kal ta a i thusawi laia naute rawn petu che kha ka ni a. kha naute kha nangma fa a ni lo. A pa hi tunge tih pawh hriat a ni lo. Keima nun khawloh avanga ka fa a ni e. Misual tak ka ni min ngaidam rawh tiin țap chungin a ngen chiam mai a. Evan chuan mami ka enkawl tura Pathian in min pekah ka ngai a sin. Ngaihdamna tur che hi ka hre lo. Nang leh kei hi kan sualna avangin Pathian in min ngaidam a sin a ti a.

Chu nu khawngaih thlak tak chuan ka pu, LALPA ȚIH TU I NI TIH ka hria ta e. Kei chuan a mualpho thei ang berin i chungah ka ti a. Ka dam chhung hian ka in ngaidam thei lo ang. Misual ka ni e. Ka chunga i thatna hi ka damchhung hian ka theihnghilh thei lovang tiin a lawmthu te a hrilh lawm lawm a ni.

Evan hian dik lo taka mipui hmaa tih mualpho a nih khan engmah a thiamthu a sawi lo. Engvangin nge a sawi lo le? Lalpa a țih vangin a sawi lo ani. Nang leh kei hian engtin nge kan tih ve ang? Kan dikna leh kan dik loh na a miten a chhe zawnga min sawi hian mahni thiam in chan tir tumin meikawhin kan tang mai lawng maw?

Miten a chhe zawnga min lo sawi a nih pawh in Lalpa kan țih na avanga engmah ka sawi loh hian min sawitute pawh hi ama lamah kan hruai thei dawn a lo ni.

Evan hi mipui hmaah tih mualpho ni mahse a aia mipui tam zawk hmaah Lalpan a chawimawi ta thung a..